الخطوات التي ساعدتني في رفع كفاءة (((بـــطـــاريـــة))) الآيفون..لأقصى حد

الخطوات التي ساعدتني في رفع كفاءة (((بـــطـــاريـــة))) الآيفون..لأقصى حد

قرأت مشاركات كثيرة لناس يشكون من بطارية الأيفون... لدرجة ناس عندهم أيفون 6 plus

الي سعة بطاريته تقارب ال3000

والي المفترض يكون أفضل الأيفونات بالبطارية.. بينما عندهم مدة الاستعمال لاتزيد عن ٥ أو ٦ ساعات بالكثير!!!! 

وهذا يفترض يكون نصف مدة الإستعمال!!! 

فا حبيت أفيدكم بخطوات تعلمتها من أماكن كثيرة وخطوات أنا اكتشفتها من خلال السنوات الماضية

والحمدلله زي ماتشوفون بالصور .... (ما أقول إني الأفضل أكيد غيري أفضل لكني راضي الحمدلله عن النتيجة))


مآآآشآآآآءالله









النصيحة الأولى:

إشحن جوالك قدر الإمكان

.... يعني إذا رجعت البيت .. وكانت بطارية الأيفون ٦٠٪... لاتنتظر لين يصير ٠٪ 

لأ...إشحنها مباشرة ... لين تصير فل... حتى تقلل عدد دورات البطارية 

لأن من ١٠٠٪ إلى ٠٪ تعتبر دورة كاملة من عدد دورات حياة البطارية

وبكذا تحافظ على بطارية الأيفون سليمة تماما حتى بعدد مرور سنة او سنتين

وأنا طبقتها بلابتوبي وجميع أجهزتي وكانت ممتازة جدا حتى بعد مرور عدد من السنوات...

النصيحة الثانية :



ممنوع منعا باتا إغلاق أي تطبيق في الخلفية

ماعدا التطبيقات الي إنت متأكد إنك ماراح تستعملها بالأسبوع أو الأيام الجاية كلها

لأن حسب توصيات كل خبراء الأيفون...

إغلاق التطبيقات وإعادة فتحها يستهلك بشكل أكيد من البطارية ومن المعالج وعتاد الجهاز

وتركها في الخلفية هو الطريقة الأسلم والي تتلاءم مع تكوين وبرمجة الأيفون من قبل أبل

اقتباس: المشاركة الأصلية كتبت بواسطة iMeeshal     تنبيه أي تطبيق تكون إعداداته في : الخصوصية : خدمات الموقع : دائما زي هذا التطبيق بالصورة هذي التطبيقات .. حتى لو كانت بالخلفية .. راح تكون نشطه وتستهلك من البطارية والأفضل إغلاقها بعد الإستخدام

النصيحة الثالثة:

إغلاق تجديد التطبيقات في الخلفية




وهذي تستهلك كمية كبيرة من طاقة الجهاز

وأنا ماشفت لها أي فائدة عالأقل بالنسبة لي .. مادام إني مفعل التنبيهات للتطبيقات الي تهمني

زي الواتساب توصلني التنبيهات حتى لو اني معطل تجديد الواتساب في الخلفية

فا .. اغلقوه كله... أفضل.. ولا تغلقون البعض وتخلون البعض... الأفضل إغلاق الخيار كله

النصيحة الرابعة:

من إعدادات الخصوصية ... خدمات الموقع...خدمات النظام.. أنصحكم تعملون نفس إعداداتي




باختصار أغلقوها جميعها .. ماعدا الأشياء المهمة والي تستخدمونها... الباقي ليس له داعي..

وأيضا من إعدادات الخصوصية.. خدمات الموقع

اختاروا خيار (مطلقا) أمام كل تطبيق ليس له داعي ويستخدم موقعكم..

يعني خلوا التطبيقات المهمة..زي تطبيق قوقل ماب .. وتطبيقات التتبع الرياضي..

هذي اشياء مهم انها تعرف موقعكم وغيرها من التطبيقات اختاروا مطلقا

النصيحة الخامسة:

عام :التاريخ والوقت: إغلاق خيار ... الإعداد تلقائيا

وهذا مفيد جدا .. لأن الجهاز يجلس كل شوي يدور موقعكم وأنتم وين ويجلس يضبط اعدادات

الوقت والتاريخ

إذا طلعتوا برا دولتكم الي انتم فيها فعلوه ..ومادامكم بنفس الدولة ليس له اهمية
النصيحة السادسة:
الإعدادات : عام : بحث spotlight

إذا أنتم مثلي ماتستخدمون البحث ابدا ... شيلوا الصح من جميع الخيارات




وإذا كنتم تستخدمونه.... حطوا صح أمام الأشياء الي تبحثون عنها فقط

لأن السبوت لايت يعمل ارشفه بشكل دائم ..ويستهلك من بطارية الجهاز

النصيحة السابعة:

عطلوا كل الخيارات هذه في حال عدم حاجتها .. مثلي بالضبط مااحتاجها أبدا وهي تستهلك من بطارية الجهاز



النصيحة الثامنة:

وهي مهمة جداً...

الإعدادات : شاشة العرض والسطوع

عطلوا خيار السطوع التلقائي...

وخلوه يدوي... ودائما حاولوا مايكون السطوع قوي...حتى أفضل لسلامة عيونكم..

وأفضل لكم قبل النوم.. لأن السطوع القوي يسبب الأرق وهذا مااثبتته الأبحاث العلمية

النصيحة التاسعة:

وهذه خيارات مهمة للغاية .. تحافظ على البطارية وهذا الشيء مثبت وجربوه الكثيرين

الإعدادات : عام : إمكانية الوصول : تقليل الحركة : اختاروا تشغيل .. هي بالعادة تكون إيقاف .. أنتم إختاروا تشغيل

و
الاعدادات > عام > إمكانية الوصول > زيادة التباين > الغاء خاصية تقليل الشفافية 

النصيحة العاشرة:

إغلاق البلوتوث والواي فاي ونقطة الوصول ..

في حالة عدم الحاجة لهم... وتفعيلهم فقط وقت الحاجة..

وهذا يساهم بشكل كبير في ضبط البطارية...

النصيحة الحادية عشر:

إذا كنتم في مناطق خارج النطاق العمراني أو مناطق تغطية ال LTE

الجيل الرابع ... ضعيفة.. الأفضل عطلوه...

وخلوه عال3G

لأن البحث المستمر ومحاولة لقط الإشارة تستهلك من البطارية

النصيحة الثانية عشر:

نقطة مهمة جداً

أغلب التطبيقات حتى الـ(ألعاب) .. تطلب إرسال إشعارات

مع انه ليس لها أي اهمية ..حتى ترسل إشعارات.. مو مثل تطبيقات التواصل الإجتماعي

فا نصيحتي لكم روحوا لمركز الإشعارات

الإعدادات : الإشعارات:

وراح تلاقون تطبيقات كثيرة ترسل إشعارات ومن ضمنها ألعاب

الغوها جميعاً... ماعدا التطبيقات الي يهمكم إنها ترسل إشعارات .. مثل الدردشات والتراسل وغيرها

النصيحة الثالثة عشر:
الإعدادات : خلفية الشاشة

لا تختارون خلفيات (ديناميكية) متحركة

أختاروا فقط الخلفيات الي اسمها (لقطات)

لأنها ماتستهلك شيء من البطارية

النصيحة الرابعة عشر:

إذا كنتم تستخدمون تطبيق (الموسيقى)

الي يجي من أبل في الآيفون

ادخلوا

إعدادات : الموسيقى : موازن الصوت:

اختاروا إيقاف ... هذا يساهم في التقليل من الإستهلاك

النصيحة الخامسة عشر:

الإعدادات : app store و itunes

شيلوا الصح من جميع الإعدادات الظاهرة في الصورة




إذا كانت ماتمثل لكم أهمية مثلي....

النصيحة السادسة عشر:

الإعدادات : البريد، جهات الإتصال ، التقويمات

اوقفوا خيار جلب البيانات

عند كلمة push

عطلوها إذا كانت مفعله

هذا الي انا مختاره.. ومتى ماحبيتم تشيكون على البريد شيكوا يدويا

ماله داعي الجهاز كل شوي يبحث عن بريد جديد إلا فقط لأناس معينين يحتاجون هالشي لضرورة عملهم

باقي الناس .. هذا يستهلك بطاريتكم بلا فائدة..

النصيحة السابعة عشر:

الإعدادات : الخصوصية : التشخيصات والاستخدام

اختاروا خيار عدم الإسال

النصيحة الثامنة عشر:
لازم تصير إنتقائي جدا في تثبيت التطبيقات
لأن إغراق الجهاز بكمية كبيرة جدا من التطبيقات والألعاب... الي ماراح تستخدمها أبدا

يؤثر على جهازك وكفاءته.. الأفضل تحميل التطبيقات الي تتوقع إنك راح تستخدمها يوم أو تحتاجها يوم من الأيام

أنا مثلا استخدم الأيفون من يوم ما اخترعوه ... وعندي الآن 79 تطبيق فقط!!

بينما فيه ناس عندهم مئات التطبيقات ... ومايعرفون إيش فايدتها أصلا..
........

نقطة مهمة قبل الختم ... جميع الخطوات مطبقة على نظام خالي من الجلبريك.... ومحدث بآخر تحديث من نظام أبل....

ومن المؤكد أن الأجهزة الغير محدثة أو معمول لها جلبريك النتيجة راح تكون مختلفة........


أخيرااااا

أنا مطبق جميع هذه النصائح والحمدلله الوضع عندي تمام ...

وإن شاء الله تكون مفيدة بالنسبة لكم

تصنيف : Apple